Diocese
കമുകിന്‍കോട് കൊച്ചുപളളിയില്‍ ദേവാസഹായംപിളളയുടെ തിരുനാള്‍ ആഘോഷിച്ചു
കമുകിന്‍കോട് കൊച്ചുപളളിയില്‍ ദേവാസഹായംപിളളയുടെ തിരുനാള്‍ ആഘോഷിച്ചു
അനിൽ ജോസഫ്
ബാലരാമപുരം: നെയ്യാറ്റിന്‍കര രൂപതയുടെ തീര്‍ത്ഥാടന കേന്ദ്രമായ കമുകിന്‍കോട് കൊച്ചുപളളിയില്‍ വാഴ്ത്തപെട്ട ദേവസഹായംപിളളയുടെ തിരുനാള്‍ ആഘോഷിച്ചു. തിരുനാള്‍ ദിവ്യബലിക്ക് ഫാ.പ്രദീപ് ആന്‍റോ മുഖ്യ കാര്‍മ്മികത്വം വഹിച്ചു. ഫാ.അജി അലോഷ്യസ് വചന സന്ദേശം നല്‍കി. ഇടവക വികാരി ഫാ.ജോയി മത്യാസ് സഹകാര്‍മ്മികത്വം വഹിച്ചു.
രക്തസാക്ഷിത്വം വഹിച്ച ദേവസഹായംപിളളയാണ് കമുകിന്‍കോട് കൊച്ചുപളളിയിലെ വിശുദ്ധ അന്തോണീസിന്‍റെ തിരുസ്വരൂപം സ്ഥാപിച്ചത്. കൊച്ചുപളളിയില്‍ സ്ഥാപിച്ചിട്ടുളള ദേവസഹായംപിളളയുടെ തിരുസ്വരൂപം വണങ്ങുന്നതിനും പ്രാര്‍ത്ഥിക്കുന്നതിനും തിരുനാള്‍ ദിനത്തില്‍ നിരവധി തീര്‍ത്ഥാടകർ ഉണ്ടായിരുന്നു.
