Diocese
കമുകിന്‍കോട്‌ വിശുദ്ധ ആന്തോണിസ്‌ ദൈവാലയ തീര്‍ത്ഥാടനം ഒരുക്കങ്ങള്‍ തുടങ്ങി
കമുകിന്‍കോട്‌ വിശുദ്ധ ആന്തോണിസ്‌ ദൈവാലയ തീര്‍ത്ഥാടനം ഒരുക്കങ്ങള്‍ തുടങ്ങി
ബാലരാമപുരം ; തെക്കിന്റെ കൊച്ചു പാദുവ എന്നറിയപ്പെടുന്ന നെയ്യാറ്റിന്‍കര ലത്തീന്‍ രൂപതക്ക്‌ കീഴിലെ തീര്‍ഥാടന കേന്ദ്രമായ കമുകിന്‍കോട്‌ വിശുദ്ധ അന്തോണീസ്‌ ദൈവാലായ തിരുനാളിന്റെ ഒരുക്കങ്ങള്‍ തുടങ്ങി. 2018 ജനുവരി 30 മുതല്‍ ഫെബ്രുവരി 11 വരെയാണ്‌ തിരുനാള്‍ ആഘോഷങ്ങള്‍ നടക്കുന്നത്‌. ആഘോഷങ്ങളുടെ മുന്നൊരുക്കങ്ങളുടെ ഭാഗമായി വിവിധ സര്‍ക്കാര്‍ വകുപ്പുകളുടെ യോഗം പളളിയില്‍ കൂടി .
ഇടവക വികാരി ഫാ.വല്‍സലന്‍ ജോസ് അധ്യക്ഷത വഹിച്ച യോഗത്തില്‍ കെ.ആന്‍സലന്‍ എംഎല്‍എ, ഡിവൈഎസ്‌പി ബി.ഹരികുമാര്‍ ,പഞ്ചായത്ത്‌ പ്രസിഡന്റ്‌ ബി.റ്റി.ബീന അതിയന്നുര്‍ പഞ്ചായത്ത്‌ മെമ്പര്‍മാര്‍ വിവിധ വകുപ്പ്‌ മേധാവികള്‍ തുടങ്ങിയവര്‍ പ്രസംഗിച്ചു. തിരുനാള്‍ ആഘോഷങ്ങളുടെ ഭാഗമായി 50 അംഗ തീര്‍ഥാനട കമ്മറ്റിയും രൂപികരിച്ചിട്ടുണ്ട്‌.
