കത്തോലിക്കാ സഭക്കെതിരെയുള്ള വ്യാജ പോസ്റ്റുകൾക്ക് നിയമ നടപടികൾ സ്വീകരിക്കാനൊരുങ്ങി P.R.L.F. (Kerala Priests and Religious Lawyers Forum)

ജോസ് മാർട്ടിൻ

കത്തോലിക്കാ സഭക്കും സഭയിലെ സമർപ്പിതർക്കും വൈദികർക്കുമെതിരെയും വ്യാജവും, ദുരുദ്ദേശപരവും, ഹീനവുമായ പോസ്റ്റുകൾ സാമൂഹ്യ മാധ്യമങ്ങളിൽ ഇടുന്നവർക്കെതിരെ യുക്തമായ നിയമ നടപടികൾ സ്വീകരിക്കാൻ Kerala Priests and Religious Lawyers Forum (PRLF) നടപടികൾ ആരംഭിച്ചു. ഇതിന്റെ ഭാഗമായി വയനാട് ജില്ലാ പോലീസ് മേധാവിക്ക് സംസ്ഥാന സെക്രട്ടറി അഡ്വ.സിസ്റ്റർ ജോമോൾ ജോയി പരാതി നൽകി.

ഇക്കാര്യത്തിൽ തുടർനടപടികൾ സ്വീകരിക്കാനായി ഫോറത്തിന്റെ പ്രത്യേക കമ്മിറ്റി രൂപീകരിച്ചിട്ടുണ്ട്.
അഭിഭാഷകരായ തോമസ് ജോസഫ് തേരകം, സ്റ്റീഫൻ മാത്യു, പി.എം. മാത്യു, ജോണി കപ്യാരുമലയിൽ, ജോമോൾജോയി, ലിനറ്റ് ചെറിയാൻ, ജോസിയ എന്നിവരാണ് കമ്മറ്റിയംഗങ്ങൾ. കൺവീനറായി ലിനറ്റ് ചെറിയാനെ തെരഞ്ഞെടുത്തു.