“ഒരു വീട്ടിൽ ഒരു മരം” പദ്ധതിയുമായി കെ.എൽ.സി.എ. ബാലരാമപുരം ഫെറോനാ സമിതി

സ്വന്തം ലേഖകൻ

നെയ്യാറ്റിൻകര: നെയ്യാറ്റിൻകര രൂപതയിലെ ബാലരാമപുരം ഫെറോന കെ.എൽ.സി.എ. സമിതി സംഘടിപ്പിച്ച “ഒരു വീട്ടിൽ ഒരു മരം” പദ്ധതിയുടെ ഉദ്ഘാടനം ശ്രീ. M. വിൻസന്റ് MLA നിർവ്വഹിച്ചു.

ജൂൺ 5-ന് ആചരിക്കുന്ന ലോക പരിസ്ഥിതി ദിനത്തോടനുബന്ധിച്ച് KLCAബാലരാമപുരം സോണൽ സമിതിയെ ‘പരിസ്ഥിതി സൗഹൃദ സോണലായി മാറ്റുക’ എന്ന ലക്ഷ്യവുമായി ബാലരാമപുരം ഫെറോനയിലെ ഓരോ വീട്ടിലും ഒരു മരം വീതം വെച്ച് പിടിപ്പിക്കുകയാണ്. 3000 വൃക്ഷതൈകൾ വച്ചുപിടിപ്പിച്ചുകൊണ്ടാണ്  “ഒരുവീട്ടിൽ ഒരുമരം” പദ്ധതിയ്ക്ക് തുടക്കം കുറിച്ചത്.

പ്രസ്തുത പദ്ധതിയുടെ സോണൽ തല ഉദ്ഘാടനം ജൂൺ 3 ഞായറാഴ്ച രാവിലെ 11 മണിക്ക് കിടാരക്കുഴി യൂണിറ്റിൽ ബഹു: ശ്രീ. M. വിൻസൻറ് MLA നിർവ്വഹിച്ചു. സോണൽ പ്രസിഡന്റ്  ശ്രീ. വികാസ് കുമാർ N.V. സമ്മേളനത്തിൽ അദ്ധ്യക്ഷത വഹിച്ചു. സെക്രട്ടറി ജോയി. സി സ്വാഗതം ആശംസിച്ചു. റവ. ഫാ. ജോർജ്ജുകുട്ടി ശാശ്ശേരിൽ വൃക്ഷതൈ വിതരണ ഉദ്‌ഘാടനം നിർവഹിച്ചു സംസാരിച്ചു.

മുൻ രൂപതാ പ്രസിഡന്റ് –  സംസ്ഥാന കൗൺസിൽ അംഗവുമായ ശ്രീ. ജെ. സഹായ ദാസ് സന്ദേശം നൽകി. സംസ്ഥാന കൗൺസിൽ അംഗമായ ശ്രീ. S. ബാലയയ്യൻ, കോൺക്ലിൻ ജിമ്മി ജോൺ, മരിയ ജസീന്ത, സജിത.S, ബിനു.S, സജുകുമാർ V.R, വിജു. K തുടങ്ങിയവർ സംസാരിച്ചു.