എളിമയുടെ പ്രതീകങ്ങളാകണം അധ്യാപകര്‍; ബിഷപ്പ് ഡോ.വിന്സെന്റ് സാമുവല്‍
മികച്ച സമൂഹത്തെ വാര്‍ത്തെടുക്കുന്നതില്‍ അധ്യാപകരുടെ പങ്ക് നിര്‍ണ്ണായകമാണ്...
ഡി.ആര്‍.ജോസ്
നെയ്യാറ്റിന്‍കര: അധ്യാപകര്‍ എളിമയുടെ പ്രതീകങ്ങളും വിദ്യാര്‍ത്ഥികളുടെ ആരാധനാ പാത്രങ്ങളുമായി മാറണമെന്ന് നെയ്യാറ്റിന്‍കര ബിഷപ്പ് ഡോ.വിന്സെന്റ് സാമുവല്‍. നെയ്യാറ്റിന്‍കര രൂപത ടീച്ചേഴ്സ് ഗില്‍ഡിന്റെ വാര്‍ഷിക കണ്‍വെന്‍ഷന്‍ ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം.
ഒരു മികച്ച സമൂഹത്തെ വാര്‍ത്തെടുക്കുന്നതില്‍ അധ്യാപകരുടെ പങ്ക് നിര്‍ണ്ണായകമാണ്. തങ്ങളുടെ മക്കളെപ്പോലെ തന്നെ തങ്ങളുടെ മുന്നില്‍ അറിവ് തേടിയെത്തുന്ന കുട്ടികളേയും അധ്യാപകർ കണ്ടാല്‍ മികച്ച നേട്ടങ്ങള്‍ കൈവരിക്കാന്‍ കുട്ടികള്‍ക്ക് കഴിയുമെന്നും ബിഷപ്പ് കൂട്ടിച്ചേര്‍ത്തു.
ടീച്ചേഴ്സ് ഗില്‍ഡ് രൂപതാ പ്രസിഡന്റ്‌ ഡി.ആര്‍.ജോസിന്റെ അദ്ധ്യക്ഷതയില്‍ കൂടിയ വാര്‍ഷിക കണ്‍വെന്‍ഷനില്‍ കോര്‍പ്പറേറ്റ് മാനേജര്‍ ഫാ.ജോസഫ് അനില്‍, വികാരി ജനറല്‍ മോണ്‍.ജി.ക്രിസ്തുദാസ്, ഫാ.അലക്സ് സൈമണ്‍, കെ.എം.അജി, എ.സുനില്‍കുമാര്‍, കോണ്‍ക്ലിന്‍ ജിമ്മി ജോണ്‍, എഫ്.ഫിലോമിന, പത്മവിരാജ്, ബിന്നി ബിസോള്‍, ബീനാ റോസ്, സജിനി, റീജ തുടങ്ങിയവര്‍ സംസാരിച്ചു.
