ആധുനിക വിദ്യാഭ്യസം ആവശ്യപ്പെടുന്നത് മികവുറ്റ പ്രതിഭകളെ; ബിഷപ് ഡോ.വിന്‍സെന്‍റ് സാമുവല്‍
ആധുനിക വിദ്യാഭ്യസം ആവശ്യപ്പെടുന്നത് മികവുറ്റ പ്രതിഭകളെ; ബിഷപ് ഡോ.വിന്‍സെന്‍റ് സാമുവല്‍
അനിൽ ജോസഫ്
നെയ്യാറ്റിന്‍കര: ആധുനിക വിദ്യാഭ്യസം ആവശ്യപ്പെടുന്നത് മികവുറ്റ പ്രതിഭകളെ എന്ന് നെയ്യാറ്റിന്‍കര ബിഷപ് ഡോ.വിന്‍സെന്‍റ് സാമുവല്‍. നെയ്യാറ്റിന്‍കര രൂപതയില്‍ കേരളാ അഡ്മിനിട്രേറ്റീവ് സര്‍വ്വീസ് (കെ എ എസ്) പരിശീലന പരിപാടി വ്ളാങ്ങാമുറി ലോഗോസ് പാസ്റ്ററല്‍ സെന്‍ററില്‍ ഉദ്ഘാടനം ചെയ്യുകയായിരുന്നു അദ്ദേഹം. എല്ലാ ഇടവകകളിലും വിദ്യാഭ്യസ പ്രവര്‍ത്തനങ്ങള്‍ക്ക് വൈദികര്‍ പ്രാധാന്യം കൊടുക്കണം, കഴിവുളളവരെ പ്രോത്സാഹിപ്പിക്കണമെന്നും ബിഷപ് ഓര്‍മ്മിപ്പിച്ചു.
രൂപത വിദ്യാഭ്യാസ ഡയറക്ടര്‍ ഫാ.ജോണി കെ.ലോറന്‍സ് അധ്യക്ഷത വഹിച്ച പരിപാടിയില്‍ ശുശ്രൂഷ കോ ഓഡിനേറ്റര്‍ മോണ്‍.വി.പി ജോസ്, പാസ്റ്ററല്‍ കൗണ്‍സില്‍ സെക്രട്ടറി നേശന്‍ ജി ആറ്റുപുറം തുടങ്ങിയവര്‍ പ്രസംഗിച്ചു.
തിരുവനന്തപുരം വിമന്‍സ് കോളേജ് പ്രിന്‍സിപ്പല്‍ കവിത ശ്രീനിവാസിന്‍റെ നേതൃത്വത്തിലാണ് ക്ലാസുകള്‍ ക്രമീകരിച്ചിരുന്നത്.
