അറിവിന്റെ ഉറവിടങ്ങളാണ്‌ വിദ്യാഭ്യാസ സ്‌ഥാപനങ്ങള്‍ ;ഫ്രാന്സിസ് പാപ്പ
അറിവിന്റെ ഉറവിടങ്ങളാണ്‌ വിദ്യാഭ്യാസ സ്‌ഥാപനങ്ങള്‍ ;ഫ്രാന്സിസ് പാപ്പ
സ്വന്തം ലേഖകന്‍
വത്തിക്കാന്‍ സിറ്റി ; അറിവിന്റെ മഹത്തായ ഉറവിടങ്ങാളാണ്‌ വിദ്യാഭ്യാസ സ്‌ഥാപനങ്ങളെന്ന്‌ പ്രാന്‍സിസ്‌ പാപ്പ. സാമൂഹിക നന്‍മയെ നില നിര്‍ത്താനായി സത്യത്തിന്റെ ഗവേഷണ മാര്‍ഗ്ഗങ്ങള്‍ തുറക്കേണ്ടതും വിദ്യാഭ്യാസ സ്‌ഥാപനങ്ങളാണെന്ന്‌ പാപ്പ പറഞ്ഞു .കഴിഞ്ഞ വ്യാഴാഴ്‌ച വത്തിക്കാനിലെ ക്ലെമന്റൈന്‍ ഹാളില്‍ പോര്‍ച്ചുഗലിലെ കത്തോലിക്കാ യണിവേഴ്‌സിറ്റിയിലെ അദ്ധ്യാപകരെയും വിദ്യാര്‍ത്ഥി പ്രതിനിധികളെയും അഭിസംബോധന ചെയ്യുമ്പോഴായിരുന്നു പാപ്പയുടെ ഈ പരാമര്‍ശം .
അറിവിലൂടെ മനുഷ്യന്‍ നേടേണ്ട സമുന്നതമായ മൂല്ല്യം സത്യമാണ്‌ , സത്യം നമ്മെ നന്‍മയില്‍ വളര്‍ത്തും ,അത്‌ നമ്മെ സ്വാതന്ത്രത്തിലും സന്തോഷത്തിലും നിലനിര്‍ത്തും കാരണം നന്‍മയാണ്‌ സത്യം . ഒരു കലാലയത്തിന്റെ അടിസ്‌ഥാന ദൗത്യം സത്യാന്വേഷണമായിരിക്കണം .സാമൂഹിക നന്‍മ നിലനിര്‍ത്താനായി സത്യത്തിന്റെ ഗവേഷണ മാര്‍ഗ്ഗങ്ങള്‍ തുറക്കേണ്ടതും കലാലയങ്ങളാണെന്ന്‌ പാപ്പ പറഞ്ഞു.ദൈവികവും മാനുഷികവുമായ അറിവ്‌ പകര്‍ന്ന്‌ നല്‍കുകയാണ്‌ വിദ്യാഭ്യാസത്തിന്റെ ലക്ഷ്യമെന്ന്‌ ഫ്രാന്സിസ് പാപ്പ ഉദ്‌ബോധിപ്പിച്ചു. 150 പേരടങ്ങുന്ന പ്രതിനിധി സംഘമാണ്‌ പാപ്പയെ കാണാനെത്തിയത്‌.
